As TIC (Tecnoloxías da Información e a Comunicación) son solucións innovadoras e disruptivas que cambiaron a forma de executar tarefas, levar a cabo procesos e medir resultados no ámbito empresarial. As TIC nacen a partir dos avances científicos producidos nos ámbitos da informática e a comunicación, sendo a súa máxima expresión Internet, o que supuxo unha revolución e redefiniu a forma de relacionarse e comunicarse das persoas.
Non só revolucionaron a tecnoloxía, senón que supuxeron un gran cambio para o mundo en xeral. Este tipo de tecnoloxía conta cunha serie de características que podemos englobar en dous grandes grupos como son o tecnolóxico e o social. Dentro destes dous grandes grupos atopamos unha serie de características máis específicas moi representativas da sociedade actual: carácter innovador, interactividade, interconexión, instantaneidade, dixitalización e penetración.
Aínda que as TIC, por norma xeral, ofrecéronnos máis ventaxas que desventaxas, cabe destacar que existen ambas vertentes. As ventaxas máis destacadas son:
Interacción sen barreiras xeográficas.
Accesibilidade e diversidade de coñecementos e información.
Grandes beneficios para a sociedade en sectores de gran importancia como son a educación e a saúde.
Aforro de tempo e custos ao poder acceder á información e comunicarnos dunha forma máis rápida e sinxela.
Non obstante, facer un mal uso d TIC pode ter como consecuencias serias desvantaxes:
Autoexclusión social e illamento.
Perda de identidade e privacidade.
Sobreinformación.
Alteracións da conduta
Cambios nos ritmos de sono
